Krukkurnar úr Kastehelmi línunni frá Iittala koma í tveimur stærðum og nokkrum litum. Þær hafa skemmtilegt notagildi en hægt er að nota krukkurnar undir matvæli, skartgripi, bómull og fleira. Orðið Kastehelmi þýðir í raun daggardropi sem á vel við fallegu glerperlurnar sem eru svo einkennandi fyrir línuna.
Iittala er finnskt hönnunarfyrirtæki sem hannar og framleiðir skrautmuni og borðbúnað fyrir heimili. Saga Iittala hófst árið 1881, en til að byrja með framleiddi fyrirtækið margskonar glervörur. Í byrjun 20. aldar færði fyrirtækið út kvíarnar með því að hefja framleiðslu á leirvörum og síðar á stálvörum. Hugmyndafræði Iittala er mótuð að miklu leiti eftir hönnuðinum Kaj Franck sem sagði að allir hlutir ættu að vera nytsamlegir, endingargóðir og hagnýtir.
